Novas

mércores 11/06/2008

Carral organiza o seu primeiro Torneo de Tute

O Concello de Carral por medio da súa concellaría de Deportes e Xuventude, organiza para o sábado 14 de xuño, o primeiro Torneo de Tute do municipio.

Todos os amantes deste xogo de cartas están de parabéns xa que ao torneo poderán acudir tanto veciños de Carral como aqueles que se despracen dende outros puntos da provincia. A participación neste certame, o custo de inscrición do cal é de 50 euros, dá acceso a un primeiro premio que ascende a 1.000 euros. A segunda parella clasificada levará 500 euros, 200 serán para a terceira e por último haberá un cuarto premio de 100 euros.

O certame levarase a cabo o sábado 14 de xuño no Pavillón "O Espiño" a partir das 18:00 horas. Todas aquelas parellas interesadas en presentarse a este I Torneo de Tute Concello de Carral teñen que poñerse en contacto antes do 12 de xuño coa Casa dá Cultura no número de teléfono 981 67 25 80.