Novas

luns 13/10/2008

GALICREQUES TRAE A LEDICIA AOS NENOS DE CARRAL

Dentro do Festival Internacional de Títeres Consorcio As Mariñas "Galicreques 08", leváronse a cabo en Carral cinco actuacións doutras tantas compañías, organizadas pola Concellería de Cultura.

As actuacións tiveron lugar nos centros escolares Víctor Velasco e Vicente Otero, e no Campo da Feira de Carral.

As compañías que actuaron en Carral procedían de Cuenca, Navarra, Chile, República Checa e Uruguay, e todos os espectáculos presentados contaron cunha gran afluencia de nenos, que gozaron de variadas modalidades de monicreques.