Novas

xoves 17/04/2008

Ao redor de dous mil persoas gozaron da V Feira do Queixo en Carral

A pesar da choiva as queixeiras que acudiron á cita carralesa repartiron máis de medio milleiro de queixos do país

Carral, 14 de abril de 2008. O Concello de Carral celebrou o domingo a súa tradicional Feira do Queixo. Aínda que a choiva fixo acto de presenza durante toda a mañá non impediu que os amantes do queixo do país achegásense a Carral e pasasen pola gran carpa instalada fronte ao Concello.

Preto de dous mil persoas entre curiosos e compradores adquiriron, nesta quinta edición da feira, máis de medio milleiro de queixos galegos. Frescos, máis curados e de teto, pero todos produtos artesáns asinados por queixeiras procedentes de toda a comarca. Ademais, xunto á Feira do Queixo, celebrouse tamén a feira tradicional na que se pon á venda os mellores produtos das hortas do val de Barcia e arredores.

O Alcalde, José Luís Fernández Mouriño, saudou persoalmente aos participantes da Feira do Queixo, aos que agradeceu a súa asistencia un ano máis facendo entrega do tradicional obsequio de recordo e un diploma.