Novas

venres 04/09/2009

Festas do Socorro 2009

Dentro do programa das Festas do Socorro 2009, a Concellería de Cultura en colaboración coa Deputación Provincia e co Xacobeo ten programadas unha serie de actuacións para estes días.

En colaboración co Xacobeo terá lugar unha representación teatral a cargo de Compañía "Alentía Teatro" coa obra "Viaxe ao país da fantasía".Esta actividade dirixida aos máis cativos terá lugar o venres día 4 ás 20:30 horas no Campo da Feira.

O domingo 6 de setembro, en colaboración coa Deputación Provincial haberá dúas actuacións. A primeira ás 14:00 horas coa Banda de Música "Sementeira" no Campo da Festa e ás 19:00 horas "Magnificque Band", banda de vento e percusión que animará coa súa música esta tarde festiva.