Novas
mércores 13/08/2008
O Concello de Carral "de cine"
Carral foi noticia durante estes últimos días debido á rodaxe de "Agallas", un thriller sobre o mundo do narcotráfico con tinguiduras humorísticas.
O tirón da noticia foi, na súa maior medida, polos protagonistas do filme, entre os que se atopa Hugo Silva, actor moi coñecido polo seu papel na serie "Os homes de Paco". A película conta tamén coa participación de Carmelo Gómez e un variado elenco de actores galegos, como Mabel Ribera, Celso Bugallo ou Tonhito de Poi.
"Agallas" será rodada íntegramente en Galicia durante sete semanas en diversos escenarios da área metropolitana coruñesa, primeiro, e na zona das Rías Baixas, despois. En Carral rodaron varias secuencias durante dous días en exteriores e interiores da parrillada Os Paraugas.
A película narra a historia dun buscavidas, interpretado por Hugo Silva, que por casualidade recala en Galicia e pouco a pouco introdúcese no ambiente dos narcos. Os interesados en ver as paraxes carraleses na pantalla grande terán que esperar ata mediados do ano que ven.
voltar