Novas

venres 18/07/2008

Noites de Cine proxecta mañá en San Vicente de Vigo "Eragon"

O Concello de Carral, por medio da Concellería de Cultura e o programa "Noites de Cine" da Deputación de A Coruña, continúa este sábado o ciclo de cinema de verán coa proxección da película "Eragon" (2006).

O filme, para todos os públicos e que se poderá gozar no centro socio cultural de San Vicente de Vigo, é unha historia fantástica que narra a aventura dun mozo que atopa un misterioso ovo do que nace un dragón. Xunto ao seu novo compañeiro navegará en perigosos terreos, entre os escuros inimigos dun imperio gobernado por un rei a maldade do cal non coñece límites.