Novas

xoves 14/04/2011

REMATA O CICLO BUTACA VERDE COA PELÍCULA “REINVENTEMOS UN PUEBLO”

A serie de películas de temática ambiental e social, que programa o CEIDA coa Concellería de Cultura en Carral, remata o xoves 14 de abril coa proxección de “Reiventemos un pueblo”, realizada pola Fundación Ciudad de la Energía.

O documental relata o que sucede nun pobo mineiro do Bierzo, que está cambiando de cor grazas á restauración ambiental de dúas entulleiras de carbón que enmarcaban a paisaxe.

A proxección terá lugar na Casa da Cultura, ás 19 h. A entrada é libre.